ក្រុមសិល្បៈអាមេរិក “Tony Memmel និងក្រុមតន្រ្តីរបស់លោក” នឹងមកសំដែងនៅកម្ពុជា ១សប្តាហ៍

: inewskh   : November 22, 2017 2:10 pm


ដើម្បីរំលឹកខួបលើកទី ៤០ នៃទំនាក់ទំនងសហរដ្ឋអាមេរិក អាស៊ាន និងទិវាអន្តរជាតិនៃជនពិការ ៣ ធ្នូ ស្ថានទូតសហរដ្ឋអាមេរិកនៅរាជធានីភ្នំពេញ នឹងធ្វើការឧបត្ថម្ភសំរាប់ការសំដែងរបស់ក្រុមតន្រ្តីអាមេរិកដែលមានឈ្មោះថា “Tony Memmel និងក្រុមតន្រ្តីរបស់លោក” នៅកម្ពុជា ពីថ្ងៃទី ២៤ ដល់ថ្ងៃទី ៣០ ខែវិច្ឆិកា។

ស្ថានីយ៍វិទ្យុថោន 102.25 MHz រាជធានីភ្នំពេញ នឹងធ្វើបទសម្ភាសន៍ រួមជាមួយការ Live ផ្ទាល់ ពី លោក Tony Memmel និងក្រុមតន្រ្តីរបស់លោក នៅថ្ងៃទី២៥ ខែវិច្ឆិកា ឆ្នាំ២០១៧ វេលាម៉ោង ១០:០០នាទីព្រឹក ដល់ម៉ោង ១១:៣០នាទីព្រឹក។ សូមរង់ចាំស្តាប់ និងទស្សនា ទាំងអស់គ្នា!

លោក Tony ដែលបានកើតមកគ្មានកដៃឆ្វេង កំពុងធ្វើដំណើរនៅទូទាំងតំបន់អាស៊ីអាគ្នេយ៍ ដើម្បីធ្វើការប្រគំតន្រ្តីរបស់លោក ហើយបំរើដល់ជនពិការដទៃទៀត ដើម្បីបង្ហាញអោយគេឃើញថា ជីវិតមិនបានធ្វើ អោយលោកមានការថមថយឡើយ។ លោកគឺជាជនគំរូដ៏ល្អម្នាក់សំរាប់យុវជន ពីព្រោះលោកបានជំនះបញ្ហាប្រឈមនៃពិការភាពរាងកាយ ហើយនៅពេលនេះ មានអាជីពជាអ្នកលេងហ្គីតា។

ដោយត្រូវបានទទួលដោយស្ថានទូតអាមេរិកនៅភ្នំពេញ សហការជាមួយអង្គការអម្រឹតាសិល្បៈ ក្រុម តន្រ្តីនេះនឹងធ្វើការសំដែង ហើយដំណើរការសិក្ខាសាលា ព្រមទាំងជួបជាមួយសិស្ស និងអ្នកមានអាជីពខាង តន្រ្តី អ្នកលេងកីឡាបាល់បោះជានារីពិការ និងអ្នកឯទៀត នៅភ្នំពេញ ខេត្តកំពង់ឆ្នាំង និងខេត្តបាត់ដំបង។

ការប្រគំតន្រ្តីដោយមិនគិតថ្លៃនេះ នឹងប្រព្រឹត្តទៅតាមកម្មវិធីដូចខាងក្រោមនេះ៖
• ថ្ងៃសៅរ៍ ទី ២៥ ខែវិច្ឆិកា វេលាម៉ោង ៦ ល្ងាច៖ ការប្រគំជាសាធារណៈ រួមជាមួយអ្នកសិល្បៈក្នុងស្រុកមកពីក្រុមសិល្បៈ SmallWorld SmallBand និងក្រុម Epic Arts នៅវិទ្យាស្ថានភាសាបរទេស។
• ថ្ងៃអង្គារ ទី ២៨ ខែវិច្ឆិកា វេលាម៉ោង ៦ ល្ងាច៖ការប្រគំជាសាធារណៈ រួមជាមួយអ្នកសិល្បៈក្នុងស្រុក ឈ្មោះ យឹង យន និងក្រុមរបស់លោក នៅអង្គការហ្វាពន្លឺសិល្បៈ ក្នុងខេត្តបាត់ដំបង។


អត្ថបទស្រដៀងនេះដែរ


ព័ត៌មានជាតិទូទៅ