• photo090418 (8)

    មហាហង្ស និង PNN សហការគ្នា ផលិតរឿងភាគខ្មែរ

    ផលិតកម្មមហាហង្ស បានចាប់ដៃសហការជាមួយ ទូរទស្សន៍ PNN ផលិតរឿងភាគខ្មែរ ដាក់បញ្ចាំង នៅស្ថានីយ៍ទូរទស្សន៍ PNN ចំនួន៤៦ភាគ កាលពីពេលថ្មីៗកន្លងទៅនេះ។

  • lojel060418 (2)

    អស់កង្វល់ជាមួយការ វេចខ្ចប់សម្ភារៈ ធ្វើដំណើរ ជាមួយ VITA

    មនុស្សភាគច្រើនតែងមានសំពាធពីក្រុមហ៊ុនអាកាសចរណ៍ ក្នុងការវេចខ្ចប់សម្ភារៈ ធ្វើដំណើររបស់គាត់ អោយកាន់តែតូចជាងមុន – ប៉ុន្តែវាមិនមែនជាបញ្ហារបស់ Vita។ ទំហំស្តង់ដារ ជាមួយ រូបរាងបែបសាមញ្ញ មាន ទំងន់ស្រាល នឹងរឺងមាំជាចំនុចខ្លាំងរបស់​ VITA។

  • dance300318 (5)

    យុវជនកម្ពុជា ចាប់អារម្មណ៍ សិក្សា ផ្នែក Hip Hop

    ភ្នំពេញ ៖ យុវជនកម្ពុជា ដែលមានអាយុចាប់ពី ១៣ទៅ ២៣ឆ្នាំ ប្រមាណជា៦០នាក់ បានសិក្សា ផ្នែក Hip Hop មានដូចជា ចង្វាក់រាំ Breakdance ចម្រៀង Hip Hop ធ្វើភ្លេង និង និងគូរគំនូរ លើជញ្ជាំង ដោយសិក្សារយៈពេល២សប្តាហ៍ បង្រៀនដោយ អ្នកសិល្បៈមួយក្រុម។ ការផ្តល់ជូន ដល់យុវជននេះ គឺសម្រាប់យុវជនដែលស្រលាញ់ ផ្នែក Hip Hop និង ក្មេងៗ នៅតាមអង្គការមួយចំនួន។

  • Taketh290318 (3)

    វីង ផ្តល់ជូនកាដូពិសេសជូនអតិថិជនខ្លួន នូវពេលវេលា ជាមួយមនុស្ស ជាទីស្រលាញ់

    វីងជាធនាគារឯកទេសផ្តល់សេវាទូទាត់ប្រាក់ចល័តនាំមុខគេនៅកម្ពុជា។ សារជាថ្មីម្តងទៀតក្នុងឆ្នាំ២០១៨នេះ វីងផ្តល់ជូនសំបុត្រឡានក្រុងដ៏ទំនើបមេគង្គអ៊ិចប្រេស្សលីមម៉ូហ្សិន ឥតគិតថ្លៃដល់ប្រជានជនកម្ពុជាធ្វើដំណើរទៅកាន់បណ្តាខេត្តនានា។

  • 1628, SCOTLAND, ISLE OF SKYE, TNF NORTH FACE, GTX, CHRIS BURKARD

Athletes: Hillary Allen, Alex Johnson, Daniel Woods, Victor De Le Rue

    THE NORTH FACE មានគុណសម្បត្ដិពិសេស និងជួយ ដល់អ្នកជំនាញឡើងភ្នំអោយទទួល បានភាពកក់ក្តៅ

    THE NORTH FACE ជាឈ្មោះដែលបញ្ជាក់ពីភាពត្រជាក់បំផុត នៅម្ខាងនៅភ្នំ ដែលមិនអាចទទួលបានកំដៅព្រះអាទិត្យ។ ម៉ាក THE NORTH FACE មានគុណសម្បត្ដិពិសេសដោយមានចំណែកក្នុងការជួយ ដល់អ្នកជំនាញឡើងភ្នំអោយទទួល បានភាពកក់ក្តៅនិងអាចឡើងភ្នំហិម៉ាលៃដែលអ្នកណាក៏ ដឹងថាជាភ្នំខ្ពស់បំផុតនោះបាន។ ម៉ាកនេះតែងតែជាជំរើសទីមួយរបស់អ្នកឡើងភ្នំ លំដាប់ពិភពលោក អ្នកចូលចិត្តឡើងភ្នំ និងអ្នកជំនាញជិះស្គីទឹកកក អ្នកជំនាញរត់ និងអ្នកចូលចិត្តផ្សងព្រេងទូទៅផងដែរ។

ពត៌មានជាតិទូទៅ
​ក្រុមហ៊ុន​ធំៗ​៣ ចុះ MOU ដើម្បី​សហការគ្នា​លើ​ផលិតកម្ម​ស្រូវ និង​ការធ្វើ​ពាណិជ្ជកម្ម លើ​វិស័យ​ស្រូវ​

: inewskh   : November 14, 2017 9:39 am


ក្រុមហ៊ុន​Zenith Agro Group (ZAG) បាន​ចុះហត្ថលេខា​លើ អនុស្សរណៈ នៃ​ការយោគយល់ (MOU) ជាមួយ​ក្រុមហ៊ុន Taifeihuayuan Agricultural Development Co. ,Limited (Taifeihuayuan) និង​ក្រុមហ៊ុន Yunnan Dongwei Agricultural Development Co. , Limited (“Yunnan Dongwei” )​ដើម្បី​សហការគ្នា​លើ​ផលិតកម្ម​ស្រូវ​និង​ការធ្វើ​ពាណិជ្ជកម្ម​លើ​វិស័យនេះ កាលពី​ល្ងាច​ថ្ងៃទី​១៣ ខែវិច្ឆិកា ឆ្នាំ​២០១៧ នៅ​សណ្ឋាគារ អ៊ី​ន​ធើ​កុងទីណង់តាល់​។​

​លោក Danny Wang នាយក​គ្រប់គ្រង​ក្រុមហ៊ុន ZAG បាន​មានប្រសាសន៍ថា “​ការធ្វើ​ពិពិធ​កម្ម​ផលិតកម្ម​ដំណាំ​ផ្សេងៗ​ដូចជា​ស្រូវ​ជាដើម​នេះ​គឺ ស្រប​ជាមួយ​កិច្ចខិតខំ​ប្រឹងប្រែង​ប្រកបដោយ​ចីរភាព​រយៈពេល​យូរអង្វែង​របស់​ក្រុមហ៊ុន​។ ជាមួយនឹង​ការគាំទ្រ​យ៉ាងរឹងមាំ​ពី​នាយកដ្ឋាន​អភិវឌ្ឍន៍​នៃ​ក្រសួងការពារជាតិ​កម្ពុ​ជា​យើង​មាន​ទំនុកចិត្ត​ថា​កិច្ចសហការ​ជា​យុទ្ធសាស្ត្រ​នឹង​នាំ ZAG ឱ្យ​ក្លាយទៅជា​ក្រុមហ៊ុន​អាជីវកម្ម​ក​សិ -​ឧស្សាហកម្ម​ឈានមុខ​គេ​នៅ​អាស៊ី​។​

លោក Fu Xue Jun អ្នកចាត់ការ​ទូទៅ​នៃ​ក្រុមហ៊ុន Taifeihuayuan បាន​មាន​ថ្លែងថា “​យើង​បាន​ពិភាក្សា​ជាមួយគ្នា​ជាច្រើនលើក​មកហើយ​ជាមួយ ZAG ហើយ​ខ្ញុំ​គិតថា​វា​ជា​ពេលវេលា​សមស្រប​ដើម្បី​ធ្វើ​ការដាំដុះ​ស្រូវ​នៅ​កម្ពុជា​នាពេល​បច្ចុប្បន្ន​។ ខ្ញុំ​មាន​ក្តីរំភើប​ចំពោះ​កិច្ចសហការ​នេះ​ព្រោះ​វា​នឹង​ជួយ​ឱ្យ​យើង​នាំយក​បទពិសោធ​និង​ចំណេះដឹង​បច្ចេកទេស​ពី​ក្រុមហ៊ុន Beidahuang Group(​ក្រុមហ៊ុនមេ​)​មក​ប្រទេស​កម្ពុជា​និង​ជួយ​ធ្វើឱ្យ​ល្អប្រសើរ​ដល់​សហគមន៍​កសិកម្ម​មូលដ្ឋាន​នៅ​ទីនោះ​»​។​

​លោក Wang Min Xiang អគ្គនាយក​ក្រុមហ៊ុន Yunnan Dongwei. បាន​លើកឡើងថា “​មាន​តម្រូវ​ការកើនឡើង​ខ្លាំង សម្រាប់​អង្ករ​កម្ពុជា​នៅក្នុង​ប្រទេស​ចិន​ក្នុង​ប៉ុន្មាន​ឆ្នាំ​ចុងក្រោយ ដោយសារតែ​ប្រជាជន​ចិន​កាន់តែ​សម្បូរបែប ក៏ដូចជា​ទីផ្សារ យល់ថា ប្រទេស​កម្ពុជា​ជា​កន្លែង​ដែល​ដី​មិនត្រូវ​បាន​បំពុល​ហើយ​អាច​ផលិត​អង្ករ​មានគុណ​ភាពល្អ​។ អង្ករ​កម្ពុជា បានឈ្នះ ពានរង្វាន់ អង្ករ​ល្អ​បំផុត របស់​ពិភពលោក អស់​រយៈពេល​បី​ឆ្នាំ​មកហើយ​នេះ​ក៏​ជា​ហេតុផល​មួយ​ដ៏​ធំ​មួយ ហើយ​ខ្ញុំ​គិតថា ទីផ្សារ​នេះ មាន​ឆន្ទៈ​ក្នុងការ​ចំណាយ​ដើម្បី​ស្គាល់​អង្ករ​ខ្មែរ “​។​

​សូមបញ្ជាក់ថា ជា​ផ្នែក​មួយ​នៃ​កិច្ចសហប្រតិបត្តិការ​ជា​យុទ្ធសាស្ត្រ ក្រុមហ៊ុន​Taifeihuayuan មានបំណង​នាំយក បច្ចេកវិជ្ជា​របស់ខ្លួន នៅក្នុង​ការដាំដុះ​ស្រូវ ចូលមកក្នុង​ប្រទេស​ក​ម្ពុ​ជា និង​ជួយ ក្រុមហ៊ុន​ZAG លើ​វិស័យ​បច្ចេកទេស​។​
​ពួកគេ​ក៏​នឹង​នាំ​ក្រុម​ស្រាវជ្រាវ​មកពី​ណាន​ជី​ង​ដែលមាន​ឯកទេស​ក្នុង​ការដាំដុះ​ស្រូវ​នៅ​ភាគខាងត្បូង​នៃ​ប្រទេស​ចិន​។​កាលពីមុន​សហគ្រាស​ក​សិ​កម្មបាន​ទទួលជោគជ័យ​ជាច្រើន​នៅក្នុង​ប្រទេស​មី​យ៉ាន់​ម៉ា​ហើយ​មាន​ទំនុកចិត្ត​ក្នុងការ​ផ្តល់ឱ្យ​ក្រុមហ៊ុន ZAG នូវ​ការធានា​ការអនុវត្ត​នៃ​ការផលិត​ស្រូវ​ជា​អប្បបរមា​ចំនួន ១២​តោន​ក្នុង​មួយ​ហិកតា (​ប្រមូល​ផល​២​ដង​) ក្នុង​មួយឆ្នាំៗ ក្នុងប្រទេស​កម្ពុជា​។​

​ក្រុមហ៊ុន Yunnan Dongwei ដែលមាន​បទពិសោធន៍​និង​បណ្តាញ យ៉ាង​ទូលំទូលាយ ក្នុង​ការធ្វើ​ពាណិជ្ជកម្ម ផលិតផល​កសិកម្ម នៅក្នុង​ប្រទេស​ចិន នឹង​ជួយ​ក្នុងការ​នាំចេញ​អង្ករ​កម្ពុជា ដែល​ផលិត​ដោយ​ក្រុមហ៊ុន ZAG ដោយ​ប្រើ​បច្ចេកវិទ្យា​របស់ Taifeihuayuan ទៅកាន់​ប្រទេស​ក្នុង​តំបន់​រួមទាំង​នាំចេញ​ទៅ​ប្រទេស​ចិន​ផងដែរ​។ បច្ចុប្បន្ន​ក្រុមហ៊ុន​នេះ កំពុងធ្វើការ ដើម្បី​ផ្គត់ផ្គង់ អង្ករ រហូតដល់ ៨០,០០០​តោន​ពី​កម្ពុជា​ទៅ​ចិន​ក្នុង​ឆ្នាំ ២០៨ ។​

​ជាមួយនឹង​កិច្ចសហការ​នេះ ZAG នឹង​ទទួលបាន​ជំនាញ បទពិសោធន៍​បទ​និង​បណ្តាញ​របស់​Taifeihuayuan និង​Yunnan Dongwei ដើម្បី​ធ្វើ​ពិពិធ​កម្ម​អាជីវកម្ម​កសិកម្ម​រប​ស់​ខ្លួន និង​ដាំ​ដុះ​ស្រូវ លើ​ចំការ​របស់ខ្លួន​នៅក្នុង​ប្រទេស​កម្ពុជា ក៏ដូចជា​ការនាំចេញ​ផលិតកម្ម​ទៅ​ប្រទេស​ចិន​។​

​បច្ចុប្បន្ននេះ ក្រុមហ៊ុន ZAG ដែល​គ្រប់គ្រង​ចំការ​របស់ខ្លួន​នៅក្នុង​ប្រទេស​កម្ពុជា​ផ្តោតលើ​ការដាំដុះ​ឈើ​ច័ន្ទ​ន៍​ក្រស្នា ដែលជា​ផលិតផល​ដ៏​កម្រ​មួយ​ដែល​ត្រូវបាន​ស្វែងរក​យ៉ាងខ្លាំង​ដោយសារតែ​ក្លិនក្រអូប​របស់​វា​ក៏ដូចជា​គុណសម្បត្តិ​ឱសថ​។​
​នៅក្នុង​ដំណាក់កាល​ដំបូង​នៃ​គម្រោង​ដាំ​ដុះ​ស្រូវ​របស់ខ្លួន ក្រុមហ៊ុន ZAG គ្រោង​នឹង​ចាប់ផ្តើម​ដាំ​ដុះ​ស្រូវ​ទ្រង់ទ្រាយ​តូច​នៅលើ​ដី ២០០ ហិកតា​និង​បង្កើន​បន្តិច​ម្តងៗ​រហូតដល់ ១០០០​ហិកតា​។ នៅ​ដំណាក់កាល​បន្ទាប់ ក្រុមហ៊ុន​មាន​គោលដៅ​ដាំ​ស្រូវរ​រហូតដល់​១០ ០០០​ហិកតា​នៅក្នុង​ប្រទេស​កម្ពុជា​។

​លើសពីនេះទៅទៀត ក្រុម​អ្នកស្រាវជ្រាវ​មកពី​ស្ថានីយ៍​ពិសោធន៍​កសិកម្ម​ស៊ីន​យ៉ាង វិទ្យាស្ថាន​វិទ្យាសាស្ត្រ​កសិកម្ម​ខេត្ត​ជាំ​ង​ស៊ូ (Jiangsu Academy of Agricultural Sciences) ក៏​នឹង​ផ្តល់​ការ​ជួ​យេ​ជ្រោមជ្រែង​ដល់ ZAG តាមរយៈ​ការចែករំលែក​ចំណេះដឹង​និង​សមត្ថភាព​របស់​ពួកគេ​លើ​ការច្នៃប្រឌិត​វិទ្យាសាស្ត្រ​ដែល​អាចជួយ​ដល់​ការអភិវឌ្ឍ​កសិកម្ម​របស់ខ្លួន​នៅក្នុង​ប្រទេស​កម្ពុជា​៕​


អត្ថបទស្រដៀងនេះដែរ


ព័ត៌មានជាតិទូទៅ