• photo090418 (8)

    មហាហង្ស និង PNN សហការគ្នា ផលិតរឿងភាគខ្មែរ

    ផលិតកម្មមហាហង្ស បានចាប់ដៃសហការជាមួយ ទូរទស្សន៍ PNN ផលិតរឿងភាគខ្មែរ ដាក់បញ្ចាំង នៅស្ថានីយ៍ទូរទស្សន៍ PNN ចំនួន៤៦ភាគ កាលពីពេលថ្មីៗកន្លងទៅនេះ។

  • lojel060418 (2)

    អស់កង្វល់ជាមួយការ វេចខ្ចប់សម្ភារៈ ធ្វើដំណើរ ជាមួយ VITA

    មនុស្សភាគច្រើនតែងមានសំពាធពីក្រុមហ៊ុនអាកាសចរណ៍ ក្នុងការវេចខ្ចប់សម្ភារៈ ធ្វើដំណើររបស់គាត់ អោយកាន់តែតូចជាងមុន – ប៉ុន្តែវាមិនមែនជាបញ្ហារបស់ Vita។ ទំហំស្តង់ដារ ជាមួយ រូបរាងបែបសាមញ្ញ មាន ទំងន់ស្រាល នឹងរឺងមាំជាចំនុចខ្លាំងរបស់​ VITA។

  • dance300318 (5)

    យុវជនកម្ពុជា ចាប់អារម្មណ៍ សិក្សា ផ្នែក Hip Hop

    ភ្នំពេញ ៖ យុវជនកម្ពុជា ដែលមានអាយុចាប់ពី ១៣ទៅ ២៣ឆ្នាំ ប្រមាណជា៦០នាក់ បានសិក្សា ផ្នែក Hip Hop មានដូចជា ចង្វាក់រាំ Breakdance ចម្រៀង Hip Hop ធ្វើភ្លេង និង និងគូរគំនូរ លើជញ្ជាំង ដោយសិក្សារយៈពេល២សប្តាហ៍ បង្រៀនដោយ អ្នកសិល្បៈមួយក្រុម។ ការផ្តល់ជូន ដល់យុវជននេះ គឺសម្រាប់យុវជនដែលស្រលាញ់ ផ្នែក Hip Hop និង ក្មេងៗ នៅតាមអង្គការមួយចំនួន។

  • Taketh290318 (3)

    វីង ផ្តល់ជូនកាដូពិសេសជូនអតិថិជនខ្លួន នូវពេលវេលា ជាមួយមនុស្ស ជាទីស្រលាញ់

    វីងជាធនាគារឯកទេសផ្តល់សេវាទូទាត់ប្រាក់ចល័តនាំមុខគេនៅកម្ពុជា។ សារជាថ្មីម្តងទៀតក្នុងឆ្នាំ២០១៨នេះ វីងផ្តល់ជូនសំបុត្រឡានក្រុងដ៏ទំនើបមេគង្គអ៊ិចប្រេស្សលីមម៉ូហ្សិន ឥតគិតថ្លៃដល់ប្រជានជនកម្ពុជាធ្វើដំណើរទៅកាន់បណ្តាខេត្តនានា។

  • 1628, SCOTLAND, ISLE OF SKYE, TNF NORTH FACE, GTX, CHRIS BURKARD

Athletes: Hillary Allen, Alex Johnson, Daniel Woods, Victor De Le Rue

    THE NORTH FACE មានគុណសម្បត្ដិពិសេស និងជួយ ដល់អ្នកជំនាញឡើងភ្នំអោយទទួល បានភាពកក់ក្តៅ

    THE NORTH FACE ជាឈ្មោះដែលបញ្ជាក់ពីភាពត្រជាក់បំផុត នៅម្ខាងនៅភ្នំ ដែលមិនអាចទទួលបានកំដៅព្រះអាទិត្យ។ ម៉ាក THE NORTH FACE មានគុណសម្បត្ដិពិសេសដោយមានចំណែកក្នុងការជួយ ដល់អ្នកជំនាញឡើងភ្នំអោយទទួល បានភាពកក់ក្តៅនិងអាចឡើងភ្នំហិម៉ាលៃដែលអ្នកណាក៏ ដឹងថាជាភ្នំខ្ពស់បំផុតនោះបាន។ ម៉ាកនេះតែងតែជាជំរើសទីមួយរបស់អ្នកឡើងភ្នំ លំដាប់ពិភពលោក អ្នកចូលចិត្តឡើងភ្នំ និងអ្នកជំនាញជិះស្គីទឹកកក អ្នកជំនាញរត់ និងអ្នកចូលចិត្តផ្សងព្រេងទូទៅផងដែរ។

ពត៌មានជាតិទូទៅ
ឥណ្ឌាផ្តល់សុនខហិតក្លិនចំនួន១៥ក្បាល ដល់កម្ពុជា ដើម្បីសំរួលដល់ការងារ បោសសំអាតមីន

: inewskh   : May 24, 2017 10:37 am


ភ្នំពេញ៖ ការបង្ហើបឲ្យដឹងពីការផ្តល់សុនខ (ឆ្កែ) ហិតក្លិនចំនួន១៥ក្បាល ដើម្បីសំរួលដល់ការងារបោសសំអាតមីនរបស់កម្ពុជានេះ ត្រូវបានលើកឡើងនៅក្នុងជំនួបរវាងលោកទេសរដ្ឋមន្រ្តី ប្រាក់ សុខុន រដ្ឋមន្ត្រីកក្រសួងការបរទេស និងសហប្រតិបត្តិការអន្តរជាតិកម្ពុជា ជាមួយលោក Naveen Srivastava ឯកអគ្គរដ្ឋទូតឥណ្ឌាប្រចាំកម្ពុជា ចប់អាណត្តិ ដែលចូលជួបនិងជម្រាបលា កាលពីរសៀលថ្ងៃទី២៣ ខែឧសភា ឆ្នាំ២០១៧ នៅទីស្តីការក្រសួងការបរទេស។
លោកជុំ សុន្ទរី អ្នកនាំពាក្យក្រសួងការបរទេសកម្ពុជាប្រាប់អ្នកសារព័ត៌មានក្រោយជំនួបនោះថា នៅក្នុងជំនួបនោះ លោកទេសរដ្ឋមន្ត្រី ប្រាក់ សុខុន បានសម្តែងនូវការវាយតម្លៃខ្ពស់ចំពោះការចូលរួមវិភាគទានរបស់ឯកអគ្គរដ្ឋទូតឥណ្ឌាប្រចាំកម្ពុជា ក្នុងការពង្រឹង និងពង្រីកបន្ថែមទៀតនៅទំនាក់ទំនងមិត្តភាព និងកិច្ចសហប្រតិបត្តិការលើគ្រប់វិស័យរវាងប្រទេសទាំងពីរ ហើយលោកបានថ្លែងអំណរគុណចំពោះភាគីឥណ្ឌា ដែលបានរៀបចំការសម្តែងសិល្បៈនៅទីក្រុងភ្នំពេញ ខេត្តសៀមរាប និងបាត់ដំបង ដើម្បីអបអរសាទរខួបលើកី៦៥ នៃទំនាក់ទំនងការទូតរវាងប្រទេសទាំងពីរ។ លោកបន្តថា ក្នុងជំនួបនោះ លោកទេសរដ្ឋមន្ត្រី ក៏បានថ្លែងនូវអំណរគុណក្នុងនាមរាជរដ្ឋាភិបាល និងប្រជាជនកម្ពុជា ចំពោះឥណ្ឌាដែលជាប្រទេសប្រជាធិបតេយ្យទី១ ដែលបានទទួលស្គាល់កម្ពុជា បន្ទាប់ពីការរំដោះប្រទេសចេញពីរបបប្រល័យពូជសាសន៍ខ្មែរក្រហម ប៉ុល ពត ហើយលោកបានវាយតម្លៃខ្ពស់អំពីការជួយឧបត្ថម្ភលើគ្រប់វិស័យ ដែលរដ្ឋាភិបាលឥណ្ឌាបានផ្តល់ជូនកម្ពុជា ក្នុងដំណាក់កាលដ៏លំបាក បន្ទាប់រំដោះប្រទេសចេញពីរបបប្រល័យពូជសាសន៍ខ្មែរក្រហម ប៉ុល ពត។
តាមលោកជុំ សុន្ទរី នៅក្នុងជំនួបនោះដែរ លោកទេសរដ្ឋមន្ត្រី ក៏បានថ្លែងអំណរគុណ ក៏ដូចជាការផ្តល់ប្រាក់កម្ចីរបស់រដ្ឋាភិបាលឥណ្ឌាចំពោះកម្ពុជា សម្រាប់ការកសាងប្រទេស ក្នុងរយៈកាលកន្លងមកនេះ ហើយលោកក៏បានថ្លែងអំណរគុណចំពោះកចិ្ចសហប្រតិបត្តិការល្អរវាងភាគីទាំងពីរ នៅក្នុងកក្របខណ្ឌបេសកកម្មរក្សាសន្តិភាពរបស់អង្គការសហប្រជាជាតិ ជាពិសេសកិច្ចសហប្រតិបត្តិការរវាងកងទ័ពមួកខៀវបប្រទេសទាំងពីរ នៅប្រទេសស៊ូដង់ខាងត្បូង។ ជាមួយគ្នានោះ ក្នុងនាមរដ្ឋាភិបាលឥណ្ឌា លោក Naveen Srivastava បានសម្តែងនូវមរណៈទុក្ខចំពោះកងកំលាំងមួកខៀវកម្ពុជា ដែលបានស្លាប់ក្នុងបេសកម្មក្រោមឆ័ត្រអង្គការសហប្រជាជាតិ នៅអាហ្វ្រិកកណ្តាល ហើយលោកពេញចិត្តក្នុងពេលដែលលលោកបំពេញបេសកកម្មជាឯកអគ្គរដ្ឋទូតនៅកម្ពុជា ក្នុងរយៈកាលកន្លងមកនេះ ហើយលោកសូមអរគុណលោកទេសរដ្ឋមន្ត្រី ក៏ដូចជារាជរដ្ឋាភិបាលកម្ពុជា ដែលបានផ្តល់ការគាំទ្រសម្រាប់កិច្ចសហប្រតិបត្តិការ និងបេសកម្មកាទូតនៅកម្ពុជា។
លោកជុំ សុន្ទរី បានឲ្យដឹងដែរថា នៅក្នុងជំនួបនោះ លោកទេសរដ្ឋមន្ត្រីបានគូសបញ្ជាក់ថា គំរោងទស្សនកិច្ចរបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាកម្ពុជា នៅប្រទេសឥណ្ឌាក្នុងអនាគតខាងមុខ គឺជាកាឡាអនុវត្តភាពដ៏សំខាន់មួយសម្រាប់ឲ្យថ្នាក់ដឹកនាំទាំងពីរបានជួបពិភាក្សាផ្លាស់ប្តូរយោបល់គ្នា ក៏ដូចជាការពង្រឹង និងពង្រីកបន្ថែមទៀត ក៏ដូចជាការផ្លាស់ប្តូរទស្សន យោបល់ទៅលើបញ្ហាតំបន់ និងអន្តរជាតិ ដែលមានផលប្រយោជន៍រួមសម្រាប់ភាគីទាំងពីរ។ ជាមួយគ្នានោះ លោកទេសរដ្ឋមន្ត្រីបានលើកឡើងពីបំណងចង់ជំនួបពិភាក្សា ពិគ្រោះយោបល់ទ្វេភាគីជាមួយរដ្ឋមន្រ្តីការបរទេសឥណ្ឌានៅក្នុងក្របខ័ណ្ឌរដ្ឋមន្រ្តីការបរទេស នៅក្នុងកិច្ចប្រជុំអាស៊ាននៅប្រទេសហ្វីលីពីននៅខែសីហាខាងមុខ។
ជាមួយនិងការលើកឡើងខាងលើនេះ លោកទេសរដ្ឋមន្រ្តី ប្រាក់ សុខុន ក្នុងនាមរដ្ឋមន្ត្រីក្រសួងការបរទេសកម្ពុជាបានថ្លែងអំណគុណចំពោះឥណ្ឌាដែលបានផ្តល់ឆ្កែហិតក្លិនចំនួន១៥ក្បាលដល់កម្ពុជា ដែលជំនួននេះ នឹងជួយសំរួលដល់ការងារបោសសំអាតមីនរបស់កម្ពុជា ហើយលោក Naveen Srivastava ក្នុងនាមឯកអគ្គរដ្ឋទូតឥណ្ឌាប្រចាំកម្ពុជា លោកបានលើកឡើងពីបំណងក្នុងការពង្រឹងទំនាក់ទំនង និងកិច្ចសហប្រតិបត្តិការវាងស្ថានអចិន្ត្រៃយ៏របស់ប្រទេសទាំងពីរប្រចាំនៅអង្គការសហប្រជាជាតិ ដើម្បីពង្រឹងនូវកិច្ចសហប្រតិបត្តិការរវាងស្ថានអចិន្ត្រៃយ៏របស់ប្រទេសទាំងពីរប្រចាំនៅអង្គការសហប្រជាជាតិនាទីក្រុងញូវយក ហើយបំណងនេះត្រូវបានលោកទេសរដ្ឋមន្រ្តី ប្រាក់ សុខុន សម្តែងការស្វាគមផងដែរ៕


អត្ថបទស្រដៀងនេះដែរ


ព័ត៌មានជាតិទូទៅ