• photo090418 (8)

    មហាហង្ស និង PNN សហការគ្នា ផលិតរឿងភាគខ្មែរ

    ផលិតកម្មមហាហង្ស បានចាប់ដៃសហការជាមួយ ទូរទស្សន៍ PNN ផលិតរឿងភាគខ្មែរ ដាក់បញ្ចាំង នៅស្ថានីយ៍ទូរទស្សន៍ PNN ចំនួន៤៦ភាគ កាលពីពេលថ្មីៗកន្លងទៅនេះ។

  • lojel060418 (2)

    អស់កង្វល់ជាមួយការ វេចខ្ចប់សម្ភារៈ ធ្វើដំណើរ ជាមួយ VITA

    មនុស្សភាគច្រើនតែងមានសំពាធពីក្រុមហ៊ុនអាកាសចរណ៍ ក្នុងការវេចខ្ចប់សម្ភារៈ ធ្វើដំណើររបស់គាត់ អោយកាន់តែតូចជាងមុន – ប៉ុន្តែវាមិនមែនជាបញ្ហារបស់ Vita។ ទំហំស្តង់ដារ ជាមួយ រូបរាងបែបសាមញ្ញ មាន ទំងន់ស្រាល នឹងរឺងមាំជាចំនុចខ្លាំងរបស់​ VITA។

  • dance300318 (5)

    យុវជនកម្ពុជា ចាប់អារម្មណ៍ សិក្សា ផ្នែក Hip Hop

    ភ្នំពេញ ៖ យុវជនកម្ពុជា ដែលមានអាយុចាប់ពី ១៣ទៅ ២៣ឆ្នាំ ប្រមាណជា៦០នាក់ បានសិក្សា ផ្នែក Hip Hop មានដូចជា ចង្វាក់រាំ Breakdance ចម្រៀង Hip Hop ធ្វើភ្លេង និង និងគូរគំនូរ លើជញ្ជាំង ដោយសិក្សារយៈពេល២សប្តាហ៍ បង្រៀនដោយ អ្នកសិល្បៈមួយក្រុម។ ការផ្តល់ជូន ដល់យុវជននេះ គឺសម្រាប់យុវជនដែលស្រលាញ់ ផ្នែក Hip Hop និង ក្មេងៗ នៅតាមអង្គការមួយចំនួន។

  • Taketh290318 (3)

    វីង ផ្តល់ជូនកាដូពិសេសជូនអតិថិជនខ្លួន នូវពេលវេលា ជាមួយមនុស្ស ជាទីស្រលាញ់

    វីងជាធនាគារឯកទេសផ្តល់សេវាទូទាត់ប្រាក់ចល័តនាំមុខគេនៅកម្ពុជា។ សារជាថ្មីម្តងទៀតក្នុងឆ្នាំ២០១៨នេះ វីងផ្តល់ជូនសំបុត្រឡានក្រុងដ៏ទំនើបមេគង្គអ៊ិចប្រេស្សលីមម៉ូហ្សិន ឥតគិតថ្លៃដល់ប្រជានជនកម្ពុជាធ្វើដំណើរទៅកាន់បណ្តាខេត្តនានា។

  • 1628, SCOTLAND, ISLE OF SKYE, TNF NORTH FACE, GTX, CHRIS BURKARD

Athletes: Hillary Allen, Alex Johnson, Daniel Woods, Victor De Le Rue

    THE NORTH FACE មានគុណសម្បត្ដិពិសេស និងជួយ ដល់អ្នកជំនាញឡើងភ្នំអោយទទួល បានភាពកក់ក្តៅ

    THE NORTH FACE ជាឈ្មោះដែលបញ្ជាក់ពីភាពត្រជាក់បំផុត នៅម្ខាងនៅភ្នំ ដែលមិនអាចទទួលបានកំដៅព្រះអាទិត្យ។ ម៉ាក THE NORTH FACE មានគុណសម្បត្ដិពិសេសដោយមានចំណែកក្នុងការជួយ ដល់អ្នកជំនាញឡើងភ្នំអោយទទួល បានភាពកក់ក្តៅនិងអាចឡើងភ្នំហិម៉ាលៃដែលអ្នកណាក៏ ដឹងថាជាភ្នំខ្ពស់បំផុតនោះបាន។ ម៉ាកនេះតែងតែជាជំរើសទីមួយរបស់អ្នកឡើងភ្នំ លំដាប់ពិភពលោក អ្នកចូលចិត្តឡើងភ្នំ និងអ្នកជំនាញជិះស្គីទឹកកក អ្នកជំនាញរត់ និងអ្នកចូលចិត្តផ្សងព្រេងទូទៅផងដែរ។

ពត៌មានជាតិទូទៅ
Page Facebook សីហា ៖ ការបែកធ្លាយរឿងសម រង្ស៊ី ចុះកិច្ចព្រមព្រៀងជាមួយយួនជារឿងគួរឲ្យព្រឺក្បាល!

: inewskh   : April 24, 2017 10:00 am


នៅក្នុង Page Facebook សីហា បានសរសេរថា ៖ គិតៗទៅ អំពើអាក្រក់មិនបាច់រង់ចាំដល់ជាតិក្រោយទេ។ វាអាចផ្តល់ផលទាន់ហន់ក្នុងជាតិនេះតែម្តង។ លោក សម រង្ស៊ី ដែលធ្វើនយោបាយអត្តឃាតរហូតដល់អស់ផ្លូវដើរ ហើយគ្មានជម្រើសអ្វីក្រៅពីប្រកាសលាលែងចេញពីតំណែងប្រធានបក្សសង្គ្រោះជាតិនោះ គឺជាបាបកម្មរបស់គាត់ដែលបានសាង។

មេដឹកនាំបក្សប្រឆាំងរូបនេះដែលតែងតែនិយាយបំផុសប្រជាជនឲ្យស្អប់យួន ពូកែលាបពណ៌ឲ្យគេរឿងយួន តែទីបំផុតគឺខ្លួនឯងទេដែលបានចុះហត្ថលេខាលើកិច្ចព្រមព្រមព្រៀងទទួលស្គាល់ជនជាតិភាគតិច យួនដេហ្កាទាំងអស់ដែលរស់នៅភាគខាងជើងប្រទេសកម្ពុជា ហើយសន្យាកាត់ដីក្នុងខេត្តមួយចំនួនឲ្យពួកគេរស់នៅទៀតផង។
ព័ត៌មាននេះទើបតែបែបធ្លាយតាមរយៈគណនីហ្វេសប៊ុកឈ្មោះ សីហា ដែលបានចុះផ្សាយរឿងនេះទាំងខ្លឹមសារ និងរូបភាពដែលមិនអាចប្រកែកបាន។ រឿងអាស្រូវដ៏គួរឲ្យព្រឺក្បាលមួយនេះមិនអាចឲ្យពលរដ្ឋខ្មែរទទួលយកលោកសម រង្ស៊ី ជាមេដឹកនាំបក្សប្រឆាំងមួយតទៅទៀតបានទេ។ ដូច្នេះការលាលែងពីតំណែងរបស់គាត់ជាដំណឹងដ៏ល្អបំផុត សម្រាប់ប្រជាជាតិខ្មែរ ទាំងក្នុងនិងក្រៅប្រទេស។ មកដល់ត្រឹមនេះ ខ្ញុំសូមវិភាគបន្តិចអំពីការលាលែងចេញពីតំណែង របស់ លោក សម រង្ស៊ី។

ការលាលែងនេះគឺជាលទ្ធផលនៃនយោបាយអត្តឃាតដែលមេដឹកនាំបក្សប្រឆាំងរូបនេះតែងតែធ្វើជារៀងរហូតមក។ នរណាក៏ស្គាល់ដែរថាទណ្ឌិតសម រង្ស៊ី ជាមនុស្សដែលធ្វើនយោបាយគ្មានយុទ្ធសាស្ត្រ គ្មានទស្សនៈវិស័យវែងឆ្ងាយ គឺធ្វើតែតាមអារម្មណ៍នឹកឃើញ។ មួយថ្ងៃៗ គិតតែពីរុកគួន រករឿងគណបក្សកាន់អំណាចឥតឈប់ឈរ។ មួយថ្ងៃៗគិតតែពីបំផុសបំផុលឆ្គឹះឆ្គៀលចង់ឲ្យមានចលាចលសង្គម។ គាត់ដុតកម្តៅនយោបាយឲ្យឆេះក្តៅរហូតដោយមិនឲ្យអ្នកណាបានសុខឡើយ។ ដោយសារតែគំនិតអាក្រក់ជួរជាតិនេះហើយបានជាលោក សម រង្ស៊ី ជាប់បណ្តឹងរាប់មិនអស់នៅតុលាការរហូតដល់រើខ្លួនមិនរួច។ ពេលនៅក្រៅស្រុក គាត់គិតតែពីលោតរហូត ជួនកាលលោតមិនដឹងទិសខ្យល់ក៏ត្រូវដួលបាក់ចង្កេះជាញឹកញាប់។ ទោះជាយ៉ាងនេះក៏ដោយ ក៏លោក សម រង្ស៊ី ដែលប្រៀបបាននឹងសត្វមមាចមិនស្គាល់ភ្លើង នៅតែសប្បាយនឹងការធ្វើនយោបាយមិនដឹងខ្យល់របស់ខ្លួនតែរហូត។ ទីបំផុត គាត់បានដឹកនាំគណបក្សសង្គ្រោះជាតិទៅដល់មាត់ជ្រោះមរណៈ។ គាត់អស់ផ្លូវ រឹងថ្គាម គ្មានជម្រើសក្រៅពីការប្រកាសលាលែងពីតំណែងជាប្រធានគណបក្សយ៉ាងអាម៉ាស់ពីព្រោះបើគាត់មិនលាលែងទេ លោក សម រង្ស៊ី ខ្លាចជាប់ឈ្មោះថាជាអ្នកបំផ្លាញគណបក្សសង្គ្រោះជាតិឲ្យរលាយដូចអំបិលត្រូវទឹក។
ទោះជាគាត់លាចេញពីតំណែងយ៉ាងអាម៉ាស់បែបនេះក៏ដោយ ក៏ទណ្ឌិតសម រង្ស៊ី នៅឆ្លៀតកេងចំណេញពីការលាចេញពីតំណែងនេះដែរ។ គាត់បានខិតខំប្រែក្លាយភាពអាម៉ាស់នេះដើម្បីទាក់ទាញសមានចិត្តអ្នកគាំទ្រផ្កាប់មុខមួយចំនួន រាប់ទាំងអ្នកវិភាគផ្កាប់មុខខ្លះផងដោយខំធ្វើឲ្យគេអាណិតអាសូរ ហើយចាត់ទុកការលាលែងយ៉ាងអាម៉ាស់នេះថាជាការលះបង់ទៅវិញ។ តើលោក សម រង្ស៊ី ឯណាទៅហ៊ានលះបង់តំណែងងាយៗបែបនេះ? គាត់ធ្វើនយោបាយដោយតាំងខ្លួនជាតួឯករហូតមក ដោយគ្មានអ្នកណាហ៊ានប្រឆាំងតវ៉ាទេ។ បើអ្នកណាហ៊ានបញ្ចេញមតិរិះគន់លោកប្រធាន អ្នកនោះច្បាស់ជានឹងត្រូវបណ្តេញចេញពីបក្ស ហើយនឹងត្រូវគេលាបពណ៌ថា លក់ក្បាលឲ្យបក្សផ្សេងជាមិនខាន។ ទោះបីជាពេលនេះ លោក សម រង្ស៊ី លាចេញពីតំណែងប្រធានបក្សសង្គ្រោះជាតិ ក៏គាត់មិនប្រាកដថាអាចសង្គ្រោះបក្សខ្លួនឯងឲ្យរស់រានមានជីវិតបាននោះដែរពីព្រោះអំពើអាក្រក់ដែលគាត់បានសាងមានច្រើនរាប់មិនអស់។ មានតែអ្នកផ្កាប់មុខមួយចំនួនប៉ុណ្ណោះដែលនៅតែជឿលោក សម រង្ស៊ី ហើយនៅតែខិតខំលាបក្រែម ថែមម្យៅឲ្យលោក សម រង្ស៊ី ពីភាពអាម៉ាស់មកជាភាពគួរឲ្យអាណិតអាសូរនោះ។ ក្រៅពីនោះ គេបានមើលឃើញគ្រប់គ្នាថា គឺជាភាពទាល់ច្រករបស់លោក សម រង្ស៊ី យ៉ាងពិតប្រាកដ ដោយសារតែគាត់សាងអំពើអាក្រក់ច្រើនពេក។
ជាក់ស្តែង រឿងអាស្រូវក្បត់ជាតិមួយដែលទើបត្រូវបានគេទម្លាយតាមហ្វេសប៊ុកកាលពីថ្ងៃអាទិត្យ គឺពាក់ព័ន្ធនឹងការឃុបឃិតជាមួយយួន ទទួលស្គាល់ជនជាតិភាគតិចយួនថាជាជនជាតិខ្មែរ ហើយថែមទាំងអនុញ្ញាតឲ្យអ្នកទាំងអស់នោះរស់នៅលើទឹកដីខ្មែរដោយកាត់ដីខ្មែរឲ្យយួនថែមទៀត។ នេះឬអ្នកដែលអះអាងមិនដាច់ពីមាត់ថា ស្អប់យួននោះ? រឿងអាស្រូវក្បត់ជាតិចុងក្រោយរបស់គាត់នេះ បានធ្វើឲ្យគេនឹកឃើញដល់អតីតកាលរបស់គ្រួសារគាត់ដែលមិនខុសពីសុភាសិតខ្មែរបានចារទុកថា ” ស្លឹកឈើជ្រុះមិនឆ្ងាយពីគល់មែន “។ នេះជាទណ្ឌកម្មរបស់ដូនតាខ្មែរដែលបានដាក់ទៅលើទណ្ឌិតសម រង្ស៊ី ឲ្យជ្រុះពីតំណែងប្រធានគណបក្សប្រឆាំងដើម្បីកុំឲ្យគាត់មានឱកាសប្រព្រឹត្តអំពើក្បត់ជាតិដែលគាត់កំពុងធ្វើនេះតទៅទៀតបានឡើយ៕


អត្ថបទស្រដៀងនេះដែរ


ព័ត៌មានជាតិទូទៅ