ទោះបីជាមានភ្លៀងធ្លាក់ ម៏មិនអាចហាមចិត្តអ្នកខេត្តកំពង់ចាម មកទស្សនា រឿង “ទឹកចិត្តម្តាយសម័យថ្មី” បានដែរ

: inewskh   : March 30, 2017 3:24 pm


ពិតជាកោតសរសើរដល់ទឹកចិត្តអ្នក ខេត្តកំពង់ចាម ដែលគាំទ្រនូវស្នាដៃកូនខ្មែរ លើវិស័យភាពយន្ត រឿង “ទឹកចិត្តម្តាយសម័យថ្មី” ទោះបីជាមានព្រះភិរុណ ក៏មិនអាចហាមចិត្តរបស់ពួកគាត់ បានដែរ។

បន្ទាប់ពីទស្សនាចប់នូវខ្សែរភាពយន្តខ្នាតធំ រឿង “ទឹកចិត្តម្តាយសម័យថ្មី” ទស្សនិកជនបានបញ្ចេញមតិយោបល់ និងចំណាប់អារម្មណ៍ថា “ខ្ញុំពិតជាមិនដឹងថា ទង្វើររបស់ខ្ញុំរាល់ថ្ងៃ ជាអំពើខុសឆ្គង ទៅលើលោកអ្នកមានគុណទាំងពីរ ក្រោយពីទស្សនារឿង ទឹកចិត្តម្តាយសម័យថ្មី នេះហើយ ខ្ញុំនឹងទៅសុំទោសលោកទាំងពីរ។ រឿងនេះផងដែរធ្វើអោយ ខ្ញុំយល់យ៉ាងច្រើន ព្រោះមានការអប់រំល្អ”។

ដោយចង់ទស្សនានូវរឿង “ទឹកចិត្តម្តាយសម័យថ្មី” ទស្សនិកជន ដែលជាអ្នកគាំទ្រ ខ្សែភាពយន្តខ្មែរ បានសំណូមពរ ដល់អ្នកគ្រប់គ្រង ផលិតកម្មថោន អោយយកទៅបញ្ចាំងតាមបណ្តាខេត្តនានា ក្នុងព្រះរាជាណាចក្រកម្ពុជា។​

សន្ទុះនៃការគាំទ្រ ចំពោះខ្សែភាពយន្តរឿង ទឹកចិត្តម្តាយសម័យថ្មី រយៈបញ្ចាំងរហូតមកទល់ពេលនេះ ជិតមួយខែទៅ ហើយ ក៏ចំនួនអ្នកចូលទស្សនា នៅតែមានច្រើនដដែល។

សូមបញ្ជាក់ផងដែរថា រឿង “ទឹកចិត្តម្តាយសម័យថ្មី” ដាក់បញ្ចាំងនៅខេត្តកំពង់ចាម រយៈពេល៤ថ្ងៃ ចាប់ពីថ្ងៃទី២៩ ខែមីនា ដល់ថ្ងៃទី១ ខែមេសា ដោយក្នុងមួយថ្ងៃ បញ្ចាំង ៤ ពេល គឺ ម៉ោង៩ព្រឹក, ម៉ោង ២រសៀល, ម៉ោង៤រសៀល និងម៉ោង៧យប់។

រឿង “ទឹកចិត្តម្តាយសម័យថ្មី” ដែលផលិតឡើងអស់ទឹកប្រាក់រាប់សិបម៉ឺនដុល្លារ និងជាភាពយន្តខ្នាតធំ កម្រិតអន្តរជាតិមួយនេះ កំពុងតែធ្វើឲ្យអ្នកទស្សនា ស្រក់ទឹកភ្នែកមិនដឹងខ្លួន។ អ្នកគាំទ្រភាពយន្តនេះ មួយរូប បានផ្តល់សម្ភាន៍ ដែលលាយឡំជាមួយនឹងទឹកភ្នែក ទោះបីជាសាច់រឿង បានបញ្ចប់ក្តៅៗ តែអារម្មណ៍ក្តុកក្តួល ដែលបង្កប់នៅក្នុងសាច់រឿង បានធ្វើឲ្យលោកស្រក់ទឹកភ្នែក រហូតក្រៅរោងតែម្តង៕


អត្ថបទស្រដៀងនេះដែរ


ព័ត៌មានជាតិ