• photo090418 (8)

    មហាហង្ស និង PNN សហការគ្នា ផលិតរឿងភាគខ្មែរ

    ផលិតកម្មមហាហង្ស បានចាប់ដៃសហការជាមួយ ទូរទស្សន៍ PNN ផលិតរឿងភាគខ្មែរ ដាក់បញ្ចាំង នៅស្ថានីយ៍ទូរទស្សន៍ PNN ចំនួន៤៦ភាគ កាលពីពេលថ្មីៗកន្លងទៅនេះ។

  • lojel060418 (2)

    អស់កង្វល់ជាមួយការ វេចខ្ចប់សម្ភារៈ ធ្វើដំណើរ ជាមួយ VITA

    មនុស្សភាគច្រើនតែងមានសំពាធពីក្រុមហ៊ុនអាកាសចរណ៍ ក្នុងការវេចខ្ចប់សម្ភារៈ ធ្វើដំណើររបស់គាត់ អោយកាន់តែតូចជាងមុន – ប៉ុន្តែវាមិនមែនជាបញ្ហារបស់ Vita។ ទំហំស្តង់ដារ ជាមួយ រូបរាងបែបសាមញ្ញ មាន ទំងន់ស្រាល នឹងរឺងមាំជាចំនុចខ្លាំងរបស់​ VITA។

  • dance300318 (5)

    យុវជនកម្ពុជា ចាប់អារម្មណ៍ សិក្សា ផ្នែក Hip Hop

    ភ្នំពេញ ៖ យុវជនកម្ពុជា ដែលមានអាយុចាប់ពី ១៣ទៅ ២៣ឆ្នាំ ប្រមាណជា៦០នាក់ បានសិក្សា ផ្នែក Hip Hop មានដូចជា ចង្វាក់រាំ Breakdance ចម្រៀង Hip Hop ធ្វើភ្លេង និង និងគូរគំនូរ លើជញ្ជាំង ដោយសិក្សារយៈពេល២សប្តាហ៍ បង្រៀនដោយ អ្នកសិល្បៈមួយក្រុម។ ការផ្តល់ជូន ដល់យុវជននេះ គឺសម្រាប់យុវជនដែលស្រលាញ់ ផ្នែក Hip Hop និង ក្មេងៗ នៅតាមអង្គការមួយចំនួន។

  • Taketh290318 (3)

    វីង ផ្តល់ជូនកាដូពិសេសជូនអតិថិជនខ្លួន នូវពេលវេលា ជាមួយមនុស្ស ជាទីស្រលាញ់

    វីងជាធនាគារឯកទេសផ្តល់សេវាទូទាត់ប្រាក់ចល័តនាំមុខគេនៅកម្ពុជា។ សារជាថ្មីម្តងទៀតក្នុងឆ្នាំ២០១៨នេះ វីងផ្តល់ជូនសំបុត្រឡានក្រុងដ៏ទំនើបមេគង្គអ៊ិចប្រេស្សលីមម៉ូហ្សិន ឥតគិតថ្លៃដល់ប្រជានជនកម្ពុជាធ្វើដំណើរទៅកាន់បណ្តាខេត្តនានា។

  • 1628, SCOTLAND, ISLE OF SKYE, TNF NORTH FACE, GTX, CHRIS BURKARD

Athletes: Hillary Allen, Alex Johnson, Daniel Woods, Victor De Le Rue

    THE NORTH FACE មានគុណសម្បត្ដិពិសេស និងជួយ ដល់អ្នកជំនាញឡើងភ្នំអោយទទួល បានភាពកក់ក្តៅ

    THE NORTH FACE ជាឈ្មោះដែលបញ្ជាក់ពីភាពត្រជាក់បំផុត នៅម្ខាងនៅភ្នំ ដែលមិនអាចទទួលបានកំដៅព្រះអាទិត្យ។ ម៉ាក THE NORTH FACE មានគុណសម្បត្ដិពិសេសដោយមានចំណែកក្នុងការជួយ ដល់អ្នកជំនាញឡើងភ្នំអោយទទួល បានភាពកក់ក្តៅនិងអាចឡើងភ្នំហិម៉ាលៃដែលអ្នកណាក៏ ដឹងថាជាភ្នំខ្ពស់បំផុតនោះបាន។ ម៉ាកនេះតែងតែជាជំរើសទីមួយរបស់អ្នកឡើងភ្នំ លំដាប់ពិភពលោក អ្នកចូលចិត្តឡើងភ្នំ និងអ្នកជំនាញជិះស្គីទឹកកក អ្នកជំនាញរត់ និងអ្នកចូលចិត្តផ្សងព្រេងទូទៅផងដែរ។

ពត៌មានជាតិទូទៅ
ប្រធានព្រឹទ្ធសភាកម្ពុជាស្នើសមាជិកព្រឹទ្ធសភាជប៉ុន ជំរុញអ្នកវិនិយោគិន និងទេសចរណ៍ជប៉ុន មកកម្ពុជា កាន់តែច្រើន

: inewskh   : February 18, 2017 8:39 am


ភ្នំពេញៈ សម្តេចវិបុលសេនាភក្តី សាយ ឈុំ ប្រធានព្រឹទ្ធសភានៃព្រះរាជាណាចក្រកម្ពុជា បានអនុញ្ញាតឲ្យឯកឧត្តម IWAI Shigeki សមាជិកព្រឹទ្ធសភានៃប្រទេសប៉ុន ចូលជួបសវនាការ និងសម្តែងការគួរសម នៅវិមានព្រឹទ្ធសភា កាលពីព្រឹកថ្ងៃទី១៧ ខែកុម្ភៈ ឆ្នាំ២០១៧។


នៅក្នុងជំនួបសម្តែងការគួរសមនោះ លោក IWAI Shigeki សមាជិកព្រឹទ្ធសភាជប៉ុនបាន សម្តែងនូវសេចក្តីសប្បាយរីករាយ និងថ្លែងអំណរគុណដ៏ជ្រាលជ្រៅចំពោះសម្តេចប្រធានព្រឹទ្ធសភា ដែលបានចំណាយពេលវេលាដ៏មានតម្លៃ អនុញ្ញាតឲ្យឯកឧត្តម និងគណៈប្រតិភូ បានចូលជួបសម្តែងការគួរសមនាឱកាសនេះ និងបានបញ្ជាក់អំពីគោលបំណងនៃដំណើរទស្សនកិច្ចរបស់គណៈប្រតិភូនាពេលនេះ គឺដើម្បីសិក្សាស្វែងយល់អំពីជំនួយផ្លូវការរបស់រាជរដ្ឋាភិបាលជប៉ុន។
តាមរយៈដំណើរទស្សនកិច្ចនាពេលនេះ លោកសង្ឃឹមថា ទំនាក់ទំនង និងកិច្ចសហប្រតិបត្តិការរវាងព្រឹទ្ធសភា រដ្ឋាភិបាលជប៉ុន និងព្រឹទ្ធសភា រាជរដ្ឋាភិបាលកម្ពុជា ឲ្យកាន់តែរឹងមាំថែមទៀត។
លោកបានរំលឹកអំពី ទំនាក់ទំនងដ៏ល្អរវាងព្រឹទ្ធសភាជប៉ុន និងព្រឹទ្ធសភាកម្ពុជា តាមរយៈការផ្លាស់ប្តូរគណៈប្រតិភូគ្នាទៅវិញទៅមកគ្រប់កម្រិត។ ជាក់ស្តែងកាលពីខែសីហា ឆ្នាំ២០១៤ ឯកឧត្តមអនុប្រធានព្រឹទ្ធសភាជប៉ុន បានអញ្ជើញមកបំពេញទស្សនកិច្ចនៅប្រទេសកម្ពុជា និងកាលពីខែកុម្ភៈ ឆ្នាំ២០១៦ សម្តេចវិបុលសេនាភក្តី សាយ ឈុំ ប្រធានព្រឹទ្ធសភានៃព្រះរាជាណាចក្រកម្ពុជា បានអញ្ជើញបំពេញទស្សនកិច្ចនៅប្រទេសជប៉ុនផងដែរ។
ជាមួយគ្នានេះ លោក IWAI Shigeki សមាជិកព្រឹទ្ធសភាជប៉ុនបានវាយតម្លៃខ្ពស់ចំពោះការរីកចម្រើនយ៉ាងឆាប់រហ័សរបស់ប្រទេសកម្ពុជា លើគ្រប់វិស័យ បន្ទាប់ពីប្រទេសកម្ពុជាបានហែលឆ្លងនូវសោនាដកម្ម និងមហន្តរាយនៃសង្រ្កាមដូចប្រទេសជប៉ុនដែរ។
លោកបានបញ្ជាក់ថា ប្រទេសជប៉ុនកំពុងប្រឹងប្រែងអភិវឌ្ឍសេដ្ឋកិច្ច និងបច្ចេកវិទ្យាទំនើប។ ប្រទេសជប៉ុនមានសេចក្តីសប្បាយរីករាយណាស់ បើសិនជាមានឱកាសយកបច្ចេកវិទ្យារបស់ប្រទេសជប៉ុន មកចែករំលែកប្រើប្រាស់ ដើម្បីចូលរួមចំណែកអភិវឌ្ឍប្រទេសកម្ពុជា ពីព្រោះប្រទេសជប៉ុនមានបទពិសោធន៍ច្រើនទាក់ទងនឹងវិស័យអភិវឌ្ឍន៍។
ជាការឆ្លើយតប សម្តេចប្រធានព្រឹទ្ធសភា បានសម្តែងនូវការស្វាគមន៍ចំពោះដំណើរទស្សនកិច្ចរបស់គណៈប្រតិភូនៅព្រះរាជាណាចក្រកម្ពុជា។ សម្តេចមានជំនឿជឿជាក់ និងមុតមាំថា តាមរយៈដំណើរទស្សនកិច្ចរបស់គណៈប្រតិភូនាពេលនេះ ពិតជាបានរួមចំណែកដល់ការលើកកម្ពស់ និងទំនាក់ទំនងមិត្តភាព និងសហប្រតិបត្តិការរវាងប្រជាជន និងប្រទេសទាំងពីរ ក៏ដូចជារវាងស្ថាប័ននីតិប្បញ្ញត្តិនៃប្រទេសទាំងពីរ។
សម្តេចបានសម្តែងនូវការពេញចិត្ត ដោយបានឃើញទំនាក់ទំនងមិត្តភាព និងកិច្ចសហប្រតិបត្តិការរវាងប្រជាជនប្រទេសទាំងពីរ មានការរីកចម្រើនឥតឈប់ឈរ ។ ប្រទេសកម្ពុជា សូមថ្លែងនូវអំណរគុណដល់រាជរដ្ឋាភិបាល និងប្រជាជនជប៉ុន ដែលបានផ្តល់នូវជំនួយឥតសំណង កម្ចីសម្បទាន និងជំនួយបច្ចេកទេស ការវិនិយោគទុន ព្រមទាំងចំនួនអ្នកទេសចរជប៉ុននៅកម្ពុជាកើនឡើង បានរួមវិភាគទានយ៉ាងធំធេងដល់ការអភិវឌ្ឍកម្ពុជាឲ្យមានការរីកចម្រើនជាបន្តបន្ទាប់ដូចពេលបច្ចុប្បន្ន។
ជាមួយគ្នានេះ សម្តេចបានថ្លែងអំណរគុណចំពោះប្រទេសជប៉ុន ដែលបានផ្តល់ជំនួយដល់សាលាក្តីខ្មែរក្រហម ការដោះមីន ការពន្លឿននូវការអនុវត្តគម្រោងកសាងហេដ្ឋារចនាសម្ព័ន្ធ ប្រកបដោយគុណភាព។ នៅក្នុងគម្រោងនោះ មានគម្រោងធ្វើឲ្យប្រសើរឡើងនូវផ្លូវជាតិលេខ៥ ដែលជាផ្លូវជាតិដ៏សំខាន់ តភ្ជាប់គ្នាខាងលិច និងខាងកើត ក្នុងក្របខណ្ឌអាស៊ាន។ ចំណែកឯការហោះហើរត្រង់របស់ក្រុមហ៊ុនអាកាសចរណ៍ ANA ពីទីក្រុងតូក្យូ មករាជធានីភ្នំពេញ ពិតជាបានរួមចំណែកយ៉ាងធំធេងដល់ការផ្លាស់ប្តូរមនុស្ស វប្បធម៌ ប្រពៃណី ទេសចរណ៍ ពាណិជ្ជកម្ម រវាងប្រទេសទាំងពីរកម្ពុជា និងជប៉ុន ។ ទន្ទឹមគ្នានេះ សម្តេចបានថ្លែងអំណរគុណចំពោះប្រទេសជប៉ុន ដែលបានផ្តល់ជំនួយបច្ចេកទេស និងអ្នកជំនាញការជួយដល់គណៈកម្មាធិការជាតិរៀបចំការបោះឆ្នោត ក្នុងការចុះបញ្ជីអ្នកបោះឆ្នោតតាមប្រព័ន្ធកុំព្យូទ័រ ដែលធានានូវការជឿទុកចិត្តពីគ្រប់ភាគីពាក់ព័ន្ធទាំងអស់។
សម្តេចបានឯកភាពចំពោះឯកឧត្តមប្រធានគណៈប្រតិភូជប៉ុន ដែលបានលើកឡើងអំពីទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ។ ព្រឹទ្ធសភាប្រទេសទាំងពីរ តែងតែបានជួយគាំទ្រគ្នាទៅវិញទៅមកក្នុងសហភាពអន្តរសភា។ ព្រឹទ្ធសភាកម្ពុជា ក៏បានចាត់តាំងក្រុមមិត្តភាពកម្ពុជា-ជប៉ុនហើយផងដែរ។
សម្តេច បានថ្លែងអំណរគុណចំពោះឯកឧត្តមប្រធានគណៈប្រតិភូដែលបានចាប់អារម្មណ៍អំពីការរីកចម្រីនរបស់កម្ពុជា។ ប្រទេសកម្ពុជាបច្ចុប្បន្ន កំពុងធ្វើដំណើរលើផ្លូវ សន្តិភាព ប្រជាធិបតេយ្យ សហប្រតិបត្តិការ និងអភិវឌ្ឍន៍។ កំណើនសេដ្ឋកិច្ចប្រទេសកម្ពុជា ក្នុងរយៈពេលពីរទស្សវត្សចុងក្រោយនេះ ទទួលបានកំណើនជាមធ្យម៧% និងមានស្ថិរភាព អាស្រ័យដោយកម្ពុជាមានវឌ្ឍនភាពរឹងមាំលើវិស័យកសិកម្ម វិ- ស័យសំណង់ វិស័យទេសចរណ៍ និងការនាំចេញផលិតផលវាយនភ័ណ្ឌ។ ប្រទេសកម្ពុជា នឹងបន្តខិតខំអភិវឌ្ឍកម្ពុជា ឲ្យបានប្រកបដោយចីរភាព។

សម្តេចបានបញ្ជាក់ថា ប្រទេសកម្ពុជានឹងត្រូវការការជួយឧបត្ថម្ភ គាំទ្រយ៉ាងច្រើនពីប្រទេសជប៉ុន ជាជំនួយឥតសំណង កម្ចីសម្បទាន ការវិនិយោគទុន ការផ្លាស់ប្តូរពាណិជ្ជកម្ម និងវិស័យទេសចរណ៍។ សម្តេចបានស្នើឯកឧត្តមប្រធានគណៈប្រតិភូជប៉ុន ជួយជំរុញអ្នកវិនិយោគិន ជប៉ុនឲ្យមកវិនិយោគទុននៅកម្ពុជា និងទេសចរណ៍ជប៉ុនមកទស្សនានៅកម្ពុជា កាន់តែច្រើនទៀតនាពេលអនាគត៕


អត្ថបទស្រដៀងនេះដែរ


ព័ត៌មានជាតិទូទៅ