ការបោះឆ្នោតជ្រើសរើស ប្រធានាធិបតីអាមេរិកថ្មី ជិតមកដល់ បេក្ខភាពប្រកួតប្រជែងកាន់តែមានភាពចម្រុងចម្រាស់ខ្លាំង

: inewskh   : November 3, 2016 2:59 pm


បេក្ខភាពប្រធានាធិបតីពីររូបដែលកំពុងប្រកួតប្រជែងក្នុងការទាញយកប្រជាប្រិយភាពរៀងៗខ្លួនកាន់តែឈានដល់ការចម្រុងចម្រាស់គ្នាខ្លាំងរវាង លោកស្រី Hillary Clintonនិងលោក Donald Trump ខណះដែលពេលនេះ លោកស្រី Hillary Clinton ត្រូវបានកើតរឿងអាស្រូវជាថ្មីអំពីEmail ដែលបញ្ហាមួយនេះបានធ្វើអោយលោក Donald Trump មានឧកាសច្រើនក្នុងវាយប្រហារលើលោកស្រីដើម្បីទម្លាក់ប្រជាប្រិយភាពគូរប្រេជែងរបស់ខ្លួន។
ចំពោះលោក Donald Trump តែងតែនិយាយថា បើលោកស្រី Hillary Clinton ជាប់ឆ្នោត អាមេរិកនឹងធ្លាក់ចូលក្នុងវិបត្តិរដ្ឋធម្មនុញ្ញ ខណៈដែលលោកស្រី Hillary Clinton ក៍បានអះអាងដែរថា លោកDonald Trump ជាមនុស្សខ្វះការអត់ធ្មត់ ឆាប់ខឹងឆេវឆាវ មិនសមធ្វើជាប្រធានាធិបតីដឹកនាំអាមេរិកនោះឡើយ ហើយលោកស្រីបន្ថែមថា ប្រសិនបើលោកក្លាយជាប្រធានាធិបតី នៅពេលណាមួយលោក Trump នឹងអាចប្រើប្រាស់អាវុធនុយក្លេអ៊ែរតាមតែអារម្មណ៍ខឹងរបស់លោក។
ចំពោះបញ្ហាស៊ើបអង្កេតរបស់ភ្នាក់ងារ FBI បានប្រកាសបើកការស៊ើបអង្កេត Email របស់លោកស្រី Hillary Clinton ជាថ្មីកាលពីសប្តាហ៍មុន ដែលបានធ្វើអោយលោក Donald Trump ឆ្លៀតឱកាសយករឿងអាស្រូវទាំងនោះមកវាយប្រហារដៃគូរប្រជែងដើម្បីទាញប្រយោជន៍នយោបាយ ដោយលោករំពឹងថា លោកអាចនឹងអាចដណ្តើមយកសំឡេងគាំទ្រជាច្រើនមកវិញពីលោកស្រី។
ដោយឡែកការចោទប្រកាន់ថាលោកស្រី Hillary Clinton បានធ្វើអោយប៉ះពាល់ដល់សន្តិសុខជាតិអាមេរិកដោយប្រើប្រាស់Emailផ្ទាល់ខ្លួនក្នុងការបំពេញភារកិច្ចពេលដែលលោកស្រីធ្វើជារដ្ឋមន្ត្រីការបរទេសនោះបានផ្ទុះឡើងវិញ បន្ទាប់ពីស្ថានប័នស៊ើបអង្កេតFBI រកឃើញរឿងរ៉ាវដែលពាក់ព័ន្ធជាថ្មី ហើយមកទល់ពេលនេះ ស្ថាប័នស៊ើបអង្កេតកំពុងបើកការស៊ើបអង្កេតបន្តទៀតលើករណីមួយនេះ ប៉ុន្តែភ្នាក់ងារFBI ពុំមានភស្តុតាងគ្រប់គ្រាន់សម្រាប់ចោទប្រកាន់លោកស្រីថាប្រព្រឹត្តបទឧក្រិដ្ឋឡើយ។
ស្របពេលដែលមានការចោទប្រកាន់ជាថ្មីនេះ មន្ត្រីជាន់ខ្ពស់ផ្នែកយុត្តិធម៌លោក Eric Holder បានថ្លែងថា សកម្មភាពស្ថាប័ន FBI ដែលកំពុងធ្វើនេះ វាជាកំហុសមួយ ដោយលោកបានចេញមុខរិះគន់ប្រធានស្ថាប័ន FBI ដែលបានប្រព្រឹត្តកំហុសឆ្គងដ៏ធំ ហើយលោកបន្តថា ការបើកការស៊ើបអង្កេតEmailជាថ្មីនេះបានរំលោភគោលនយោបាយនិងទំនៀមទំលាប់របស់ក្រសួងយុត្តិធម៌អាមេរិក ជាពិសេសគោលការណ៍នៃការបើកការស៊ើបអង្កេតក្នុងពេលបោះឆ្នោត ដូច្នេះវាជារឿងមិនសមហេតុផលនោះឡើយ។
លោកបញ្ជាក់បន្ថែមថា បេក្ខជនប្រធានាធិបតីទាំងពីរសុទ្ធតែមានរឿងអាស្រួវរៀងៗខ្លួន តែការសើរើរឿងEmail របស់លោកស្រី Hillary Clinton ហាក់បីដូចជាផ្តល់ឱកាសអោយលោក Donald Trump ដែលកំពុងធ្លាក់ចុះប្រជាប្រិយភាពងើបឡើងមកវិញ។
ចំណែកលោកស្រី Hillary Clinton វិញបាននិយាយថា បើទោះជាលោកស្រីជួបរឿងអាស្រូវជាបន្តបន្ទាប់ក៏ដោយ ក៏លោកស្រីនៅតែមានទំនុកចិត្តថា ភ្នាក់ងារFBI នឹងមិនធ្វើអោយអ្នកគាំទ្រចាកចេញពីលោកស្រីនោះទេ ហើយលោកស្រីជឿជាក់ថា ការស៊ើបអង្កេតចុងក្រោយនេះ នៅតែដូចលើកមុន គឺថាលោកស្រីគ្មានទោសអ្វីនោះទេ ខណៈដែលលោកស្រីនៅតែសុំអភ័យទោសចំពោះការខ្ជីខ្ជារប្រើប្រាស់Email ផ្ទាល់ខ្លួនក្នុងពេលដែលធ្វើជារដ្ឋមន្ត្រីការបរទេសផងដែរ៕

usavote031116


អត្ថបទស្រដៀងនេះដែរ


ព័ត៌មានជាតិ