នាយករដ្ឋមន្ត្រី​អ៊ីរ៉ាក់ ប្រកាស​អោយ​ក្រុម រដ្ឋ​អ៊ីស្លាម IS ចុះចាញ់

: inewskh   : November 2, 2016 9:54 am


កងកម្លាំងចម្រុះអ៊ីរ៉ាក់ដែលគាំទ្រដោយសម្ព័ន្ធមិត្តដឹកនាំអាមេរិក បានវាយប្រហារចូលដល់តំបន់ជាយក្រុង Mosul ស្របពេលដែលយុទ្ធនាការរំដោះទីក្រុងធំចុងក្រោយនេះ កំពុងបន្តប្រើពេលវាលាជិតបីសប្តាហ៍ផងដែរ។

តំបន់ជាច្រើននៅជុំវិញទីក្រុងធំជាងគេរបស់ប្រទេសអ៊ីរ៉ាក់នេះ ត្រូវបានរំដោះជាបន្តបន្ទាប់ ខណៈ ដែលនាយករដ្ឋមន្ត្រីអ៊ីរ៉ាក់ ក៏បានប្រកាសប្រាប់អោយក្រុមជ្រុលនិយមរដ្ខអ៊ីស្លាមIS ដាក់អាវុធចុះហើយចូលខ្លួនទទួលទោសតាមសម្រួល ជៀងជាងការស្លាប់ដោយបាញ់ប្រហារ។

មកទល់ពេលនេះមានកងកម្លាំងចម្រុះអ៊ីរ៉ាក់ជាងបីម៉ឺននាក់ បានវាយសម្រុកចូលទៅកាន់តែជិតទីក្រុង Mosul បន្ទាប់ពីពួកគេបណ្ដេញក្រុមជ្រុលនិយមរដ្ខអ៊ីស្លាមIS ចេញអស់ពីតំបន់នៅជុំវិញទីក្រុងនេះកាលពីថ្ងៃទី៣១ ខែតុលាមក។

អ្នកនាំពាក្យកងកម្លាំងពិសេសអ៊ីរ៉ាក់លោក Haider Fadhil បាននិយាយថា កងទ័ពនឹងចូលទីក្រុង Mosul ក្នុងពេលពេលឆាប់ៗនេះហើយនឹងត្រូវរំដោះទីក្រុងនេះក្នុងពេលដ៏ខ្លីផងដែរ។

ចំពោះក្រុមជ្រុលនិយមរដ្ខអ៊ីស្លាមIS ត្រូវបានគេប៉ាន់ប្រមាណថា មានវត្តមាននៅទីនោះចន្លោះពី៣ពាន់ទៅ៥ពាន់នាក់ ដែលកំពុងគ្រប់គ្រងក្រុង Mosul ហើយនឹងមានសកម្មជនចន្លោះ១៥០០នាក់ទៅ២៥០០នាក់ ដែលស្ថិតនៅខ្សែក្រវ៉ាត់ការពារខាងក្រៅក្រុង។

ទោះជាយ៉ាងណាពេលនេះ កងទ័ពរដ្ឋាភិបាលបានឡោមព័ទ្ធក្រុមជ្រុលនិយមរដ្ខអ៊ីស្លាមIS ស្ទើរតែគ្រប់ទិសទាំងអស់ ដែលធ្វើអោយពួកគេកំពុងប្រឈមខ្លាំងក្នុងការបោះបង់ចោលនៃការគ្រប់គ្រងទឹកដីមួយចុងក្រោយនេះ៕

14914872_1134313753313263_1456631427_n

 


អត្ថបទស្រដៀងនេះដែរ


ព័ត៌មានជាតិ