លោក ហ៊ុន ម៉ា​ណែ​ត ចុះសួរសុខទុក្ខ កម្លាំងប្រដាប់អាវុធ នៅ​ទិស​ប្រាសាទព្រះវិហារ

: inewskh   : July 1, 2016 10:23 am


ព្រះវិហារ៖ កាលពីថ្ងែទី២៩ ខែមិថុនាឆ្នាំ២០១៦ នេះ លោក ហ៊ុន ម៉ាណែត នាយរងសេនាធិការចំរុះ និងជាមេបញ្ជាការរងកងទ័ពជើងគោក អមដំណើរដោយលោក គីម ប៊ុនថាន អគ្គមេបញ្ជាការរងនៃកងយោធពលខេមរភូមិន្ទ និងលោក ខេង សុមេធ អគ្គស្នងការរងនគរបាលជាតិ និងជាមេបញ្ជាការនគរបាលជាតិប្រចាំទិសភូមិភាគទី៤និងទី៥ បានអញ្ជើញចុះសាកសួរសុខទុក្ខកំលាំងប្រដាប់អាវុធមាននគរបាលជាតិ និងយោធា នៅទិសប្រាសាទព្រះវិហារ។
ក្នុងដំណើរបេសកកម្មដ៏មានសារៈសំខាន់នោះ លោក ហ៊ុន ម៉ាណែត បានចាប់ផ្តើមឡើងចុះពីភ្នំមួយ ទៅភ្នំមួយ ក្នុងនោះមានភ្នំចាក់ច្រែង និងភ្នំតាសិម ក្នុងទិសប្រាសាទព្រះវិហារ ដែលជាទីតាំងឈរជើងរបស់កងកម្លាំង ប្រដាប់អាវុធ ទាំង២ប្រភេទ ដែលកំពុងឈរការពារបន្ទាត់ព្រំដែន នៅមាតុភូមិ។ ក្រោមភ្លៀមរលឹម ដោយមិនដាច់គ្រាប់ ទាំងលោក ហ៊ុន ម៉ាណែត ក៏ដូចជាលោក គីម ប៊ុនថាន និង លោក ខេង សុមេធ ក្នុងសំលៀកបំពាក់អាវភ្លៀង ថ្នាក់ដឹកនាំទាំង ៣ គឺពួកគាត់បានសសៀរមួយជំហានម្តង មួយជំហានម្តង ហើយចុះទៅជួបកម្លាំង ដោយមិនឲ្យបាត់បង់ពេលវេលាដ៏មានតម្លៃឡើយ។
ជាមួយគ្នានោះដែរ លោក ហ៊ុន ម៉ាណែត ក៏បានកោតសរសើរនិងវាយតម្លៃខ្ពស់ ចំពោះវីរភាពអង់អាចរបស់វីរយុទ្ធជន ដែលបានចំណាយពលីកម្មគ្រប់បែបយ៉ាង ឈរការពារបន្ទាត់ព្រំដែនរបស់កម្ពុជា ទោះបីពួកគេមានការលំបាកយ៉ាងណាក៏ដោយ។ កាយវិការដែលថ្នាក់ដឹកនាំកងទ័ព បានផ្សាភ្ជាប់ជាមួយខ្សែត្រៀមជួរមុខត្រូវបានកងកម្លាំងដែលឈរជើង នៅតាមបន្ទាត់ព្រំដែនទាំងនោះ វាយតម្លៃថាជាការលើកទឹកចិត្តដ៏ខ្លាំងក្លា ដើម្បីបញ្ជាក់អំពីថ្នាក់ដឹកនាំចំពោះខ្សែត្រៀមជួរមុខ៕

Border01071601 Border01071602 Border01071603 Border01071604 Border01071605 Border01071606 Border01071607


អត្ថបទស្រដៀងនេះដែរ


ព័ត៌មានជាតិទូទៅ